Sport24.az
"Dünən gecə avrokuboklarda qazanılan qələbələr ölkə futbolunun uğurudur". Bu sözləri Sport24.az-a açıqlamasında Oktay Abdullayev deyib.
Futbol Veteranları İttifaqının prezidenti klublarımızın qitəmiqayaslı tunirlərdə uğurlu nəticə qazanmasının Azərbaycan futbolunun inkişafından xəbər verdiyini bildirib:
"Ötən günkü qalibiyyətə görə "Araz-Naxçıvan" və "Sabah"ın rəhbərliyinə təşəkkür düşür. "Zirə"nin rəqibi "Hayduk" yaxşı komandadır. Rəşad Sadıqovun komandası ilk görüşdə üstün futbol oynadı. Matçın sonuna yaxın qapısında qol görməsəydi, daha yaxşı olardı. Məncə, "Zirə" mərhələni keçəcək. "Araz-Naxçıvan"ın dünən hesabda geri düşməsinə baxmayaraq, geridönüş edib qələbə qazandı ki, bu da komandanın xarakterindən xəbər verir. Elmar Baxşıyev yaxşı baş məşqçidir, "Aris"lə oyunda bunu bir daha sübut etdi. Veteranlar "Araz-Naxçıvan"ın uğur qazanmasına sevinirlər. "Sabah" isə əslində Avropa Liqasının növbəti mərhələsində çıxış etməli idi. "Çelye" ilə cavab qarşılaşmasında sadəcə, bəxtləri gətirmədi. Masazır təmsilçisi bu mövsüm çempionatda sözünü deyəcək. Komanda düzgün yolda olduğunu göstərir. İnanıram ki, "Sabah" evdə keçirəcəyi görüşdə də qələbə qazanacaq".
