O'Nil: İtaliya ilə oyun bizim üçün çox çətin olacaq

Şimali İrlandiya millisinin baş məşqçisi Maykl O'Nil DÇ-2026-nın pley-off mərhələsində İtaliya ilə qarşılaşacaqları oyunla bağlı gözləntilərini bölüşüb.

İdman.Biz bildirir ki, Şimali İrlandiyanın pley-offda yarımfinal oyunu 26 martda İtaliyada keçiriləcək.

"Çətin püşkatmadır. Bunun olacağını bilirdik. Belə bir vəziyyətdə əlinizdə olanlardan maksimum yararlanmalısınız. Pley-off yarımfinalında səfərdə oynayacağımızı bilirdik.

İtaliyaya qarşı çox çətin olacaq, amma nəticə etibarilə fantastik nəticə əldə edə biləcəyimizə inanmalıyıq. Bunu bacarsaq, tariximizin ən vacib qələbələrindən biri olacaq. Gənc bir komanda olaraq buna qadir olduğumuza inanmalıyıq.

Dünya çempionatının seçmə mərhələsində səfərdə yaxşı çıxış etdik, baxmayaraq ki, Almaniyadakı nəticə son 20 dəqiqədə uğursuz oldu və Slovakiyada oyunu əlavə vaxtda künc zərbəsi ilə uduzduq. Düşünürəm ki, komanda altı seçmə mərhələ oyununda böyüdü və mart ayında mümkün qədər güclü olmağımız vacibdir.

Əlbəttə ki, son altı oyunda zədələr və cəzalarla üzləşməli olduq ki, bu da bizə təsir etdi, amma mart ayında mümkün qədər ən yaxşı heyətimizə yaxın olmağı ümid edirik", - O'Nil İrlandiya Futbol Assosiasiyasının rəsmi saytında bildirib.
Şimali İrlandiya İtaliyanı məğlub edərsə, 31 martda keçiriləcək finalda Uels və Bosniya və Herseqovina cütünün qalibi ilə qarşılaşacaq. Bu oyun həm də Maykl O'Nilin komandası üçün səfər oyunu olacaq.

İdman.Biz