İdman.biz
İngiltərə kubokunun 3-cü mərhələsinin püşkatması unikal hadisəyə səbəb ola bilər.
İdman.biz xəbər verir ki, püşk "Everton"u aşağı liqa təmsilçisi "Peterboro" ilə üz-üzə qoyub.
Çoxları üçün bu qarşılaşma adi görünsə də, iki futbolçu üçün unudulmaz hadisə ilə yadda qalacaq. "Everton"un 39 yaşlı müdafiəçisi Eşli Yanq "Peterboro"da forma geyinən 17 yaşlı oğlu Tayler Yanqla rəqib olmaq imkanı qazanıb. Əgər qış transfer dövrünün əvvəlində oyunçulardan heç biri klubunu dəyişməsə və həmin qarşılaşmada baş məşqçinin etimadını qazansa, ölkə kuboku nadir hallarda təsadüf olunan ata-oğul dueli ilə diqqət çəkəcək.
Qeyd edək ki, İngiltərə kubokunun 3-cü mərhələsinin oyunları 2025-ci il yanvarın 11-də keçirilməlidir.
İdman.biz
