Sport24.az
Argentina Futbol Federasiyası (AFA) Paris Olimpiya Oyunlarının qrup mərhələsinin birinci turu çərçivəsində baş tutan Argentina - Mərakeş oyunundan sonra FİFA İntizam Komitəsinə şikayət edib. Sport24.az xəbər verir ki, bu barədə AFA-nın mətbuat xidməti məlumat yayıb.
AFA oyun iştirakçılarının təhlükəsizliyi üçün tədbirlərin görülməsini tələb edib.
Komandalar arasında görüş ikinci hissənin əsas vaxtının 16-cı dəqiqəsində 2:2 hesabı ilə yarımçıq kəsilib. Argentinanın ikinci qolundan sonra mərakeşli azarkeşlər meydana girərək argentinalı futbolçuların üzərinə fişəng atıblar. İki saat sonra matç boş tribunalar önündə başa çatıb və argentinalıların ikinci qolu ofsayd səbəbindən ləğv edilib. Mərakeş yığması 2:1 hesabı ilə qalib gəlib.
