Sport24.az
"Qalatasaray"ın baş məşqçisi Okan Buruk "Lion"un futbolçusu Jorj Mikautadze haqda danışıb. Sport24.az xəbər verir ki, o, DHA-ya müsahibəsində bu futbolçunu transfer etmək istədiklərinə dair xəbərlərə münasibət bildirib:
"Mikautadze bəyəndiyimiz oyunçudur. Mən təkliflərin tərəfdarı deyiləm. 3 ildir ki, onu izləyirik. O, vacib oyunçudur, amma hazırda heç bir futbolçuya prioritetimiz kimi yanaşmırıq. Mən oyunçu ilə danışmamışam. Baxsanız, siyahıda 20-30 futbolçu var, amma heç biri ilə danışığımız olmayıb. Futbolçu ilə bağlı mövzulardan danışmayacağam. Nəsə ediriksə, gizli şəkildə etməliyik".
Qeyd edək ki, daha öncə mətbuatda "Qalatasaray"ın Gürcüstan millisinin hücumçusu üçün 17 milyon avroluq rəsmi təklif göndərdikləri ilə bağlı xəbərlər yayılmışdı.
