Sport24.az
Çempionlar Liqasının 2025/26 mövsümünün ikinci turunda "Marsel" öz meydanında "Ayaks"la qarşılaşıb. Sport24.az xəbər verir ki, matç Fransa təmsilçisinin böyükhesablı (4:0) qələbəsi ilə yekunlaşıb.
Meydan sahiblərinin heyətində Pyer-Emerik Obameyanq qələbədə böyük pay sahibi olub. O, bir qol, iki məhsuldar ötürmə ilə yadda qalıb.
"Opta" analitik portalının məlumatına görə, Obameyanq Çempionlar Liqasında bir matçda üç məhsuldar hərəkəti ilə turnirin tarixində ən yaşlı oyunçu statusu qazanıb. "Arsenal"ın və "Barselona"nın keçmiş forvardı bu nailiyyətə 36 yaş 104 günlüyündə nail olub.
Qeyd edək ki, Obameyanq bu mövsüm bütün turnirlərdə yeddi oyun keçirib, dörd qol vurub və iki məhsuldar ötürmə edib.
