Report.az
"Nyukasl"ın yarımmüdafiəçisi Sandro Tonali İtaliyaya qayıda bilər.
"Report" "La Gazzetta dello Sport"a istinadən xəbər verir ki, 24 yaşlı futbolçu ilə "Yuventus" klubu maraqlanır.
Turin təmsilçisi bununla bağlı onun agentləri ilə danışıqlara başlayıb. İtaliya klubu futbolçu üçün 70 milyon avro ödəməyə hazırdır.
Qeyd edək ki, S.Tonali İngiltərə Premyer Liqasının cari mövsümündə meydana çıxdığı 30 oyunda 3 qol və iki məhsuldar ötürmə müəllifi olub. Yarımmüdafiəçinin "Nyukasl" ilə müqaviləsinin müddəti 2028-ci ilin yayına qədərdir.
