Sport24.az
"Qalatasaray"ın yarımmüdafiəçisi Qabriel Sara karyerasını İngiltərə Premyer Liqasında davam etdirə bilər. Sport24.az xəbər verir ki, "Nyukasl" və "Everton" braziliyalı oyunçunu transfer etmək istəyir.
Bu barədə insayder Əkrəm Konur məlumat yayıb.
Hər iki klub Sara üçün yanvarda hərəkətə keçəcək. Onlar 27 yaşlı futbolçu üçün 30 milyon avroluq təklif göndərəcəklər. Türkiyə nəhəngi isə danışıqlara 40 milyon avrodan başlamağı planlaşdırır.
Qeyd edək ki, "Qalatasaray" Qabriel Saranı 2024-cü ilin yayında "Norviç"dən 18 milyon avroya transfer edib. Braziliya millisinin üzvü cari mövsümdə İstanbul təmsilçisinin heyətində meydana çıxdığı 13 rəsmi matçda 2 qol və 5 məhsuldar ötürmə ilə yadda qalıb.
