Sport24.az
"Nyukasl"ın sahibləri oktyabr ayında kluba əlavə 95 milyon funt sterlinq (127,8 milyon ABŞ dolları) sərmayə qoyublar. Sport24.az "The Athletic" nəşrinə istinadən xəbər verir ki, bu barədə Böyük Britaniyanın Şirkətlər Reyestrinə (Companies House) təqdim edilmiş sənədlərdə qeyd olunub.
Bu, Səudiyyə Ərəbistanının Dövlət İnvestisiya Fondunun (PIF) rəhbərlik etdiyi konsorsiumun 2021-ci ilin oktyabrında klubu əldə etdikdən bəri həyata keçirdiyi 11-ci kapital yatırımıdır. geridə qalan müddət ərzində sahiblər tərəfindən kluba ayrılan ümumi vəsait 586,9 milyon funt sterlinqə çatıb.
Sonuncu maliyyə vəsaitindən 6,3 milyon funt sterlinq qadın komandasına ayrılıb. Qalan vəsait isə əməliyyat xərclərinin qarşılanması və infrastruktur layihələrinin maliyyələşdirilməsi kimi məqsədlər üçün istifadə oluna bilər.
Bu layihələrə Nyukasl hava limanının yaxınlığında 190 milyon funt sterlinq dəyərində yeni məşq bazasının tikintisi daxildir. Klub, həmçinin "St James" Park" stadionunun yenidən qurulması və ya yeni stadionun tikilməsi variantlarını nəzərdən keçirir.
"The Athletic"in məlumatına görə, son beş il ərzində İngiltərə klubları arasında "sağsağanlar" "Çelsi" və "Everton"dan sonra səhmdarların ən çox maliyyə vəsaiti alan yatırım etdiyi klub olub.
