"Kristal Pelas"ın müdafiəçisi Mark Qehi karyerasını başqa klubda davam etdirə bilər. Sport24.az xəbər verir ki, bu barədə" GiveMeSport" məlumat yayıb.
Mənbənin sözlərinə görə, 24 yaşlı ingilislə "Nyukasl" maraqlanır. "Sağsağanlar"ın rəhbərliyi ümid edir ki, müdafiəçi ilə ortaq məxrəcə gəlmək mümkün olacaq.
Qeyd edək ki, Qehi 2024/25 mövsümündə "Kristal Pelas"ın heyətində bütün turnirlərdə 44 oyunda 3 qol və 3 məhsuldar ötürmə ilə yadda qalıb. Onun klubla hazırkı müqaviləsi gələn ilin yayında başa çatır.