Sport24.az
"Sabah"ın turnir cədvəlində "Turan Tovuz"u keçərək 4-cü pillədə qərarlaşma şansı var". Bu sözləri Sport24.az-a açıqlamasında Novruz Əzimov deyib.
Təcrübəli mütəxəssis "Sabah" və "Qarabağ" arasında keçiriləcək Azərbaycan kubokunun final oyununda Ağdam təmsilçisinin şanslarını daha üstün sayıb:
"Əlbəttə, Kurban Berdiyev təcrübəli baş məşqçidir. Tovuzlular növbəti iki oyunda bir qələbə qazansa, məsələ həll olunacaq. "Sabah" normal şəraiti olan klublardan biridir. Avrokuboklara getməsə, faciədir. Məncə, kubokun finalında "Qarabağ" qalib gələcək. Düzdür, bir oyundan ibarət olduğu üçün matçda hər şey ola bilər, amma inanmıram ki, "Qarabağ" titulu əldən versin. Ağdamlılar "qızıl dubl" etmək istəyir".
Qeyd edək ki, final oyunu mayın 31-də Mehdi Hüseynzadə adına Sumqayıt şəhər stadionunda təşkil olunacaq.
