Sport24.az
"İstənilən oyun millimiz üçün təcrübədir". Bu sözləri Sport24.az-a açıqlamasında Novruz Əzimov deyib.
Azərbaycan millisinin yoldaşlıq görüşündə üz-üzə gələcək rəqibləri Belarus və Haiti ilə oyunları dəyərləndirən mütəxəssis millimizin bu qarşılaşmalarda məğlub olmayacağını bildirib:
"Yəqin ki, məşqçilər korpusunun bu oyunlarla bağlı planları var. Kimlərisə yoxlayacaqlar. Gələcək üçün hansı yolu tutacaqlarsa, onun üzərində işləyəcəklər. Millimiz yoxlama görüşlərinin heç birində uduzmayacaq. Haiti yığması reytinq cədvəlində yuxarı pillədə olsa da, bu iki görüşün heç birində məğlub olmamalıyıq".
Qeyd edək ki, Fernandu Santuşun rəhbərlik etdiyi milli martın 22-də Sumqayıtda Haiti, 25-də isə Masazırda Belarus yığması ilə qarşılaşacaq.
