Sport24.az
"Demək olmaz "Qarabağ" yaxşı oynamadı. Amma görsəndi ki, "Malmö" bu oyuna daha yaxşı hazırlaşmışdı. Bunun nəticəsində qələbə qazandılar". Bu sözləri Sport24.az-a açıqlamasında futbol mütəxəssisi Novruz Əzimov deyib.
Əzimov ötən gün Avropa Liqasının 2-ci turu çərçivəsində təmsilçimiz "Qarabağ"ın doğma meydanda "Malmö"yə məğlubiyyətinin (1:2) səbəblərindən danışıb.
"Malmö" İsveç çempionatında ən yaxın izləyicisindən 10 xal fərq ilə çempionluğa yaxındır. Bəlkə də, Marko Yankoviç ilk dəqiqələrdən meydanda olsa idi, belə olmazdı. İlk hissədə topa nəzarət komandamızda idi. Bunun sayəsində Juninyo gözəl qol vurdu. Bundan sonra futbolçularda arxayınlaşma baş verdi. Oyunçuların diqqətsizliyindən rəqib cavab qolunu tez vurdu. Buraxılan hər iki qol birbaşa "Qarabağ"ın müdafiəçilərinin səhvlərindən oldu. Buna baxmayaraq, artıq "Malmö" ilə oyun geridə qaldı. İrəliyə baxmaq lazımdır. İnanıram ki, "Qarabağ" bundan sonrakı oyunlarda uğurlu çıxış edib, qrupdan çıxacaq".
Qeyd edək ki, ilk turdan sonra 0 xalı olan "Qarabağ" 36 komanda arasında 34-cü yeri tutur.
