İdman.biz
Erlinq Holland İngiltərə Premyer Liqasının 3-cü turunda "Vest Hem"in qapısından 3 qol keçirməklə çempionatda əsrin rekorduna imza atıb.
İdman.biz xəbər verir ki, Premyer Liqa tarixində XXI əsrdə ilk dəfə bir futbolçu ilk 3 turda 2 dəfə het-trik edib.
Ötən turda da "İpsviç"i 3 dəfə məyus edən norveçli forvard dünən ikinci het-triki ilə İngiltərə çempionatında yalnız 30 il öncə bir dəfə yaşanmış hadisəni təkrarlayıb. 1994-cü ildə "Bredford"un hücumçusu Pol Cuell ilk 3 turda 2 het-trikə imza atmışdı.
Holland eyni zamanda özünün və Harri Keynin tarixi nəticəsini də təkrarlayıb. Daha öncə Premyer Liqada ardıcıl iki oyunda het-triki yalnız bu iki forvard bacarıb. Holland daha öncə "Kristal Pelas" və "Notingem Forest"lə ardıcıl iki oyunda 3 qol vurub, Keyn isə "Tottenhem" formasında bir dəfə "Bernli" və "Sauthemton"u, növbəti dəfə isə "Lester" və "Hall Siti"ni ardıcıl iki oyunda het-trikə "qonaq" edib.
Erlinq Holland "Vest Hem"ə vurduğu qollarla Premyer Liqada 8 het-trikli Maykl Ouen, Harri Keyn və Tyerri Anriyə çatıb. Bu sahədə rekordçu isə 12 het-trikli Serxio Aquerodur.
Qeyd edək ki, 8 het-triki Ouen 326, Keyn 320, Anri 258 oyuna etdiyi halda Hollanda bunun üçün 69 oyun yetərli olub.
İdman.biz
