Idman.biz
2026-cı il dünya çempionatının Avropa seçmə mərhələsində Norveç-İsrail matçı öncəsi paytaxt Osloda minlərlə insan İsrailə qarşı etiraz aksiyası keçirib.
İdman.Biz bildirir ki, I qrupunun oyunu bu gün keçirilir.
Norveç Fələstin Komitəsi, Fələstin üçün Fəaliyyət Qrupu və Norveç Xalqa Yardım Dərnəyinin "Soyqırımsız Futbol" adı altında təşkil etdiyi etiraz aksiyasının iştirakçıları əvvəlcə Spikersuppa meydanına toplaşıblar.
Spikersuppa meydanından matçın keçiriləcəyi "Ullevaal" stadionuna hərəkət edən etirazçılar "Fələstinə azadlıq", "İsraili boykot et" kimi şüarlar səsləndirib, Fələstin bayraqları, "İsrailə qırmızı kartı göstər", "Fələstinə azadlıq" və "İsrailin soyqırımı" yazılı plakatlar qaldırıblar.
