Sport24.az
"Mövsümboyu "Şəfa" ilə gərgin mübarizə gedirdi. Sonda biz istədiyimizə nail olaraq mövsümü ilk pillədə başa vurduq". Bunu Sport24.az-a açıqlamasında "Şahdağ Qusar"ın futbolçusu Nodarm Məmmədov deyib.
Təcrübəli müdafiəçi I Liqaya vəsiqə qazanmalarından danışıb:
"Çempionluğu özümüzdən çox, azarkeşlərimizə görə istəyirdim. Mövsümün əvvəli bir qədər çətin keçdi. Döyüşkən komandamız olduğu üçün zamanla uğurlu nəticə qazanacağımıza inanırdım. Gələcəkdə yeni transferlər olsa və bu heyəti qoruyub saxlaya bilsək, I Liqada yuxarı pillələr uğrunda mübarizə apara bilərik. Təbii ki, ev oyunlarımızı Qusarda keçirsək əla olar. Düzünü desəm, bu barədə məlumatım yoxdur. Bizə yaxşı olacağını deyiblər".
Qeyd edək ki, II Liqada 26 turun nəticələrinə görə "Şahdağ Qusar" 1-ci yeri tutub. 72 xal toplayan "Şəfa" ikinci, 58 xala malik "Şimal" isə 3-cü pillədə qərarlaşıb. İlk 3 pillənin sahibi növbəti mövsümdə 1-ci Liqada oynamaq hüququ qazanıblar.
