Sport24.az
"Lester" İngiltərə Premyer Liqasını tərk edəcək. Sport24.az xəbər verir ki, "tülkülər" "Liverpul"a məğlub olmaqla (0:1) sona 5 tur qalmış elitada qalmaq şanslarını bitirib.
"Lester"in baş məşqçisi Rud van Nistelroy Premyer Liqanı tərk etmələrinə münasibət bildirib:
"Düşməyimizin faktı məni çox məyus etdi. Çox çalışdıq, ancaq alınmadı. Son həftələrdə vəziyyətin dəyişmədiyini gördük. Artıq anladıq ki, elita ilə vidalaşacağıq. Lakin təslim olmamışıq və mövsümü mümkün qədər daha çox xalla başa vurmaq istəyirik.
Klubdakı taleyimi bilmirəm. Çempionşipdə oynayacağıq və əlimdən gələni etməyə hazıram. Klub rəhbərliyinin nə planlaşdıracağını gözləyirəm".
"Lester" 33 turdan sonra 18 xalla 19-cu sıradadır.
