Idman.biz
"Qalatasaray"a keçəndən bəri gözləntiləri doğrultmayan italyan futbolçu Nikolo Zaniolo klubdan getməyə hazırlaşır.
İdman.biz bildirir ki, bu barədə türk mətbuatı yazıb.
26 yaşlı sağ cinah yarımmüdafiəçisi bu mövsüm "Qalatasaray"ın heyətində 4 matçda meydana çıxıb və həmin matçlarda bir məhsuldar ötürmə edib.
Zaniolo icarə əsasında İtaliya çempionatına bu il uğurla başlamış "Udineze"yə keçəcək. O, artıq İtaliyada sağlamlıq müayinəsindən də keçib.
Jurnalist Fabrisio Romanonun bildirdiyinə görə, icarəyə verilməmişdən öncə Zaniolo "Qalatasaray"la müqaviləsini uzadacaq.
Zaniolo 2023-cü ildən "Qalatasaray"da olsa da, bu müddət ərzində artıq "Aston Villa" və "Fiorentina" kimi klublarda icarə əsasında oynamağa fürsət tapıb.
İdman.biz
