Sport24.az
"Çelsi"nin forvardı Nikolas Cekson komandanı tərk etməyi planlaşdırır. Sport24.az xəbər verir ki, 24 yaşlı hücumçuya bir neçə klubdan təklif gəlib.
London təmsilçisi isə seneqallını 70 milyon avroya satmağa hazırdır.
"Aston Villa", "Mançester Yunayted" və "Napoli"nin transfer siyahısında yer alan Ceksonun seçimi maraqla gözlənilir. Bu gün keçiriləcək Klublararası dünya çempionatından sonra Nikolas yekun qərarını açıqlayacaq.
Onun "Çelsi" ilə müqavilə müddəti 2033-cü il iyunun 30-na qədərdir. Forvard karyerası ərzində "Kasa Sports"(Seneqal), "Vilyarreal", "Mirandes" klublarında çıxış edib.
