Report.az
İspaniyanın "Atletik" klubunun futbolçusu Niko Uilyams "Qarabağ"a qarşı keçirəcəkləri UEFA Çempionlar Liqasının əsas mərhələsinin oyununda iştirak etməyə bilər.
"Report" Bilbao təmsilçisinin rəsmi saytına istinadən xəbər verir ki, 23 yaşlı vinger İspaniya yığmasının düşərgəsində zədələnib.
Bolqarıstan (3:0) və Türkiyə (6:0) komandalarına qarşı DÇ-2026-nın seçmə mərhələsinin oyunlarından sonra onun əzələsində problem aşkarlanıb.
"Marca" nəşri oyunçunun təxminan 6 həftəyədək sıradan çıxa biləcəyini yazıb. Uilyamsın yaşıl meydanlara qayıtma müddəti onun sağalmasının gedişatından asılı olacaq.
Qeyd edək ki, "Qarabağ" bu "Atletik"lə oktyabrın 22-də İspaniyada üz-üzə gələcək.
Atletik - Qarabağ oyunu Niko Uilyams zədə UEFA Çempionlar Liqası
