Idman.biz
"Atletik Bilbao"nun hücumçusu Niko Uilyams qasıq nahiyəsindəki problemə baxmayaraq "Spotify Camp Nou"dakı matçda oynaya biləcək vəziyyətdədir.
İdman.Biz xəbər verir ki, futbolçu həftə boyu komanda ilə məşq edib və La Liqanın son turunda qol vurub.
Uilyams şənbə günü keçiriləcək oyunda start heyətdə olacaq. Zədəsi xeyli yaxşılaşıb və Ernesto Valverdenin komandası üçün vacib fiqurdur. Statistikaya görə, Niko meydana çıxmadığı 7 oyunun heç birində "Atletik" qalib gələ bilməyib (6 məğlubiyyət, 1 heç-heçə).
"Sport"un yazdığına görə, Niko bu dəfə daha motivasiyalıdır və iki mövsüm ardıcıl olaraq "Barselona" transferini rədd etməsinə görə formalaşan sərt reaksiyanın diqqətini yayındırmayacağına inanır. Oxşar vəziyyətlə keçən mövsüm "Montjuik"də qarşılaşan 21 yaşlı hücumçu bu dəfə azarkeşlərin daha sərt etirazına hazırdır.
Niko Uilyams "Barselona"dan Balde və Lamin Yamal ilə milli komandadan yaxın münasibətlərə sahibdir. Xarakterinin ünsiyyətcil olması səbəbilə digər oyunçularla da yaxşı anlaşdığı qeyd olunur.
