Sport24.az
Dortmund "Borussiya"sının müdafiəçisi Niko Şlotterbek karyerasında yeni səhifə açmağa hazırlaşır. Sport24.az xəbər verir ki, Almaniya mətbuatı 26 yaşlı futbolçunun gələn il komandanı tərk edərək nüfuzlu kluba keçəcəyi barədə məlumatlar dərc edir.
Almaniyalı oyunçunun karyerasını "Real" və ya "Bavariya"da davam etdirməkdə maraqlı olduğu qeyd olunur. Hazırda futbolçunun menecerlərinin böyük klublarla əlaqədə olduğu və hansı komandaların bu transferi reallaşdırmağa hazır olduğunu araşdırdığı bildirilir.
Qeyd edək ki, Dortmund təmsilçisinin heyətində indiyədək 138 oyuna çıxan Şlotterbek 6 qol və 18 məhsuldar ötürmə ilə yadda qalıb.
