Idman.biz
Dortmund "Borussiya"sının baş məşqçisi Niko Kovaç Bundesliqanın 7-ci turunda "Bavariya"ya 2:1 hesabı ilə məğlub olduqları oyunda Harri Keynin onun komandasına vurduğu qolu şərh edib.
İdman.Biz bildirir ki, "Borussiya Dortmund" 14 xalla turnir cədvəlində dördüncü yerdədir.
"Qoldan əvvəl müdafiəçi ilə müəyyən təmas var idi. Amma bir şeyi deməliyəm: Bastian Dankertin bugünkü hakimliyi elə idi ki, bu epizodda fit çalmalı idi. O, hər şeyə fit çalırdı. Oyunun başqa vəziyyətlərində də müdaxilə etməsydi, heç bir sualım olmazdı. Mənim fikrimcə, bu, açıq-aydın səhv idi. Hakim o qolu ləğv etməli idi", - Kovaç deyib.
Yeddi oyundan sonra "Bavariya" 21 xalla turnir cədvəlinə başçılıq edir.
