Idman.biz
"Nyukasl Yunayted"in hücumçusu Nik Voltemade qripə yoluxduğu üçün dünya çempionatının oktyabrda keçiriləcək seçmə oyunlarında Almaniya yığmasında oynamayacaq.
İdman.biz xəbər verir ki, bu barədə milli komandanın mətbuat xidməti məlumat yayıb.
"Nik Voltemade qripə yoluxduğu üçün komandaya qoşula bilməyəcək", - bəyanatda deyilir.
23 yaşlı Voltemade ötən yay 85 milyon + 5 milyon avro qarşılığında "Ştutqart"dan "Nyukasl Yunayted"ə transfer olunub.
Bu mövsüm forvard bütün turnirlərdə 10 oyuna çıxıb, 5 qol vurub. Almaniya yığmasında isə Voltemade dörd oyunda iştirak edib və heç bir qol vurmayıb.
Oktyabrın 10-da Yulian Nagelsmanın baş məşqçisi olduğu Almaniya millisi DÇ-2026-nın seçmə mərhələsində Lüksemburqu qəbul edəcək, oktyabrın 13-də isə Şimali İrlandiyaya yollanacaq.
