Sport24.az
Nigeriyanın oktyabrın 15-də Afrika Millətlər Kubokunda səfərdə Liviya ilə oyunu baş tutmayacaq. Sport24.az xəbər verir ki, buna qonaqların oyuna çıxmaqdan imtinası səbəb olub.
Nigeriyalılar 12 saat hava limanında ac-susuz qalıb. Qonaqların çarter reysi son anda Liviya hökumətinin göstərişi ilə Benqazidən təxminən dörd saatlıq məsafədə yerləşən və adətən hərbi məqsədlər üçün istifadə edilən kiçik "Əl Abraq" hava limanına yönləndirilib.
Orda isə nigeriyalıların çölə çıxmasına icazə verilməyib. Onlar terminal oturacaqlarında yatmağa məcbur olublar.
Qeyd edək ki, Nigeriya Afrika Millətlər Kubokunda D qrupunda yer alıb. Onlar 7 xalla liderdirlər. 1 xalı olan Liviya isə Benin və Ruandadan sonra sonuncudur.
