Sport24.az
Niderland çempionatında kuryoz hadisə baş verib. Sport24..az xəbər verir ki, Erediviziyanın XIX turunda "Herenven" "Fortuna"nı qəbul edib.
Matçın son dəqiqələrində "Fortuna"nın heyətində 12 futbolçu olub. Məsələ ondadır ki, qonaqlar görüşün 88-ci dəqiqəsində Denni Buysla Oven Consonu meydana buraxıb. Əvəzində Rayan Fosso və Yasper Dalhaus meydanı tərk etməli olduğu halda, sonuncu oyunda qalıb. O, təxminən 30 saniyə oyunda olub.
Bu zaman meydan sahiblərinin baş məşqçisi Robin Van Persi 4-cü hakimə etirazını bildirib və "bura həvəskarlar liqasıdır" deyib. Dalhausun meydanı tərk etməsinin ardından "Fortuna" küc zərbəsini yerinə yetirib və qol vuraraq hesabı 2:2 edib. Oyun bu hesabla başa çatıb.
Yerli federasiyanın matçın nəticəsini ləğv edəcəyi ehtimal olunur.
Qeyd edək ki, "Fortuna" turnir cədvəlində 26 xalla 8-ci, "Herenven" isə 25 xalla 10-cu pillədə qərarlaşıb.
