Sport24.az
"Premyer Liqanın 2 klubundan təklif almışdım. Adlarını açıqlamaq istəmirəm. Ancaq seçim zamanı "Kəpəz"ə üstünlük verdim". Bu sözləri Sport24.az-a açıqlamasında Nicat Süleymanov deyib.
25 yaşlı müdafiəçi Gəncə təmsilçisini seçməsinin səbəbini də açıqlayıb: "Sarı-göylər"in təklifinə müsbət cavab verməyimin 2 səbəbi var. Əvvəla "Kəpəz" mənə yad yox, doğma komandadı. Digər səbəb isə Adiı Şükürov amilidi. Vaxtilə Adil müəllimin rəhbərliyi altında çıxış etmişəm. Onun oyun fəlsəfəsinə bələdəm və futbolçudan nə istədiyini bilirəm. Fikrimcə, yeni mövsüm maraqlı olacaq. Əlimizdən gələnin ən yaxşısını edəcəyik ki, maksimum irəli gedək və azarkeşlərimizi sevindirək".
Qeyd edək ki, Süleymanov ötən mövsüm "Araz-Naxçıvan"ın formasını geyinib.
ABDULLA İSMAYILOĞLU
