Sport24.az
"Xeyli vaxt idi oynamırdım. "Səbail" ilə görüşdə baş məşqçimiz start heyətində mənə şans verdi və bacardıqca özümü yaxşı tərəfdən göstərməyə çalışdım. Düşünürəm ki, bu gün əzmkar qələbə qazandıq". Bu sözləri Sport24.az-a açıqlamasında "Sabah"ın qapıçısı Nicat Mehbalıyev deyib.
"Bayquşlar"ın qolkiperi uzun müddətdir ki, şans qazana bilməməsinin performansına təsirsiz ötüşəmədiyini də vurğuladı: "Qapıçı nə qədər məşqlərdə özünü yaxşı tərəfdən göstərsə də, rəsmi oyun fərqlidi. Çıxış etdiyim mövqedə komandamızda yaxşı rəqabət var. Odur ki, bu rəqabətdən qalib ayrılmaq üçüm maksimum çalışacam".
Qeyd edək ki, "Sabah" Premyer Liqanın VII turu çərçivəsində səfərdə "Səbail"i 5:2 hesabı ilə məğlub edib.
