Sport24.az
"Son bir ildə Naxçıvan Muxtar Respublikasında futbol adına heçnə yoxdu. Ona görə də Zaur Axundovun Naxçıvan Futbol Federasiyasına (NFF) sədr təyin olunması bu bölgədə futbolun inkişafına təsirini göstərəcək". Bu sözləri Sport24.az-a açıqlamasında NFF-in sədr müavini Sakit Rzayev deyib.
Sakit bəy Zaur Axundovun zəngin futbol təcrübəsinin NFF fəaliyyətinə təsirini göstərəcəyini də düşünür: "Zaur müəllimin həm futzal, həm də böyük futbolda geniş təcrübəsi var. O, əsl futbol adamıdı. Məhz illərin təcrübəsi Muxtar Respublikada faydalı olacaq. Təbii ki, görüləcək işlərimiz çoxdu. Artıq yeni yol xəritəsi və strategiyamız hazırdı. Naxçıvanda futbolu yenidən dirçəltmək, uşaq futbolunu inkişaf etdirmək, sabit və dayanıqlı çempionat həyata keçirmək istəyirik. Üzərimizdə böyük məsuliyyət var. Amma başda Zaur müəllim olmaqla bu missiyanın öhtəsindən gələcəyik".
Qeyd edək ki, iyuylun 6-da Naxçıvan Futbol Federasiyasının növbəti hesabat-seçki konfransı keçirilib. Zaur Axundov yeganə namizəd olub və yekdilliklə qurumun sədri seçilib.
ABDULLA İSMAYILOĞLU
