Lent.az
Neymar daha uğurlu karyera qura bilərdi, amma çoxsaylı zədələr onu məhv edib. O, Avropada "Barselona" və PSJ-də oynayıb. İlin əvvəlində braziliyalı doğma klubu "Santos"a qayıdıb və oradakı çıxışları azarkeşlər tərəfindən ciddi tənqidlərə səbəb olub.
Lent.az-ın xarici KİV-ə istinadla xəbərinə görə, "Əl-Hilal"da oynayarkən uzun müddətli fasilədən sonra hücumçunun meydana qayıdacağına az adam inanıb. Vəziyyətin o qədər pis olduğu və karyerasını bitirə biləcəyi barədə şayiələr yayılıb.
Neymar hazırda ağrılarla oynayır: təcili əməliyyata ehtiyacı var, amma komandası düşmə riski altında olduğu müddətdə buna imkan verməyəcək. Hücumçu onlara yüksək liqada qalmağa kömək etmək istəyir və zədəsindən bəri son iki oyununda bir qol vurub.
"Transfermarkt"ın məlumatına görə, Neymar karyerası ərzində 1000 gündən çox futbol oynamayıb. Zədələnmə dalğası 2014-cü ildə, o, "Barselona"da oynayarkən başlayıb.
Onun zədələrinin çoxu təkrarlanır. Braziliyalı ən çox topuq və kalçalarından əziyyət çəkir. Ən uzun bərpa dövrü "Əl-Hilal"da oynayarkən çəkdiyi çarmıxvari bağın cırılması olub. Bu, 272 gün çəkib. O, bir il əvvəl PSJ-də 163 gün davam edən ciddi topuq zədələri də alıb.
İnfoqrafiya bütün bunları olduqca dəhşətli göstərir.
