Sport24.az
Braziliyanın "Santos" klubu baş məşqçisi Pedro Kaysinya ilə yollarını ayırıb. Sport24.az xəbər verir ki, bu barədə A seriyası təmsilçisinin saytı məlumat yayıb.
"Santos" Braziliya çempionatının startında keçirdiyi 3 oyundan heç birində qələbə qazana bilməyib. Komanda "Vasko da Qama"ya (1:2) və "Fluminense"yə (0:1) məğlub olub, həmçinin "Bahia" ilə heç-heçə (2:2) edib.
Cəmi 1 xal toplayan "Santos" turnir cədvəlinin 18-ci pilləsində qərarlaşır.
Klub baş məşqçi Pedro Kaysinya ilə yanaşı, onun iki köməkçisini, həmçinin qapıçılar və fitnes üzrə məşqçiləri istefaya göndərib.
Braziliya millisinin sabiq futbolçusu Sezar Sampaio baş məşqçi səlahiyyətlərini müvəqqəti icra edəcək.
Qeyd edək ki, məşhur hücumçu Neymar da "Santos"un formasını geyinir.
