Sport24.az
Neymar "Əl-Hilal"dan ayrılmasının səbəbini açıqlayıb. Sport24.az xəbər verir ki, braziliyalı ulduz "Globo"ya açıqlamasında Səudiyyə Ərəbistanında xoşbəxt olmadığını söyləyib:
"Mənim bəzi qərarlarım var ki, futbol məntiqindən kənara çıxır. Nə vaxt bu barədə gəldim? Yanvarın əvvəlində "Əl-Hilal"dan ayrılacağımı təsəvvür etmirdim. İndi ailəm xoşbəxtdi, mən isə futbol oynamaq üçün alışıb-yanıram.
Məşqlərdə, gündəlik həyatda darıxırdım. Bu da mənə psixoloji cəhətdən təsir edirdi. "Santos"a dönməyə imkan düşdü və iki dəfə fikirləşmədim. Atama dedim ki, "Santos"a qayıtmaq istəyirəm, hər şey yaxşı alındı. Yüksək enerji ilə geri qayıtdım".
Qeyd edək ki, 32 yaşlı futbolçu 2009-2013-cü illər arasında "Braziliya klubunun formasını geyinib.
