Səudiyyə Ərəbistanının "Əl-Hilal" klubunun və Braziliyanın hücumçusu Neymar karyerası ərzində qarşılaşdığı ən çətin rəqibin adını açıqlayıb. Sport24.az "Goal"a istinadən xəbər verir ki, 32 yaşlı futbolçu həmyerlisi, vaxtilə yığmada və PSJ-də bir yerdə oynadığı Tyaqu Silvanı fərqləndirib.
Qeyd edək ki, 39 yaşlı Silva hələ də karyerasını davam etdirir. Müdafiəçi mövsümün sonunda "Çelsi"dən ayrılaraq "Fluminense"yə (Braziliya) keçib. O, Avropada "Milan", PSJ və "Çelsi" klublarının formasını geyinib.