Lent.az
Braziliyanın "Santos" klubunun hücumçusu Neymar, 2026-cı il dünya çempionatında Karlo Ançelottinin başçılıq etdiyi yığmaya düşmək şanslarını artıracaq sensasiyalı bir transferə ümid edib.
Lent.az xarici mediaya istinadla bildirir ki, lakin Avropa klublarının 33 yaşlı futbolçuya marağı yoxdur. Bu şəraitdə futbolçu karyerasını davam etdirmək üçün iki variantı nəzərdən keçirir — "Santos"la müqavilənin uzadılması və ya MLS-ə keçid. MLS variantında o, Lionel Messi və Luis Suareslə birlikdə "İnter Mayami"də oynaya bilər.
Xatırladaq ki, Neymar son dəfə sentyabrın 14-də meydana çıxıb, o vaxtdan bəri zədəlidir və bərpa prosesini davam etdirir. Kluba qayıtdıqdan sonra o, 21 oyun keçirib, 6 qol vurub və 3 qol ötürməsi verib.
