"Xoşbəxtəm ki, getdikcə daha çox oyunçumuz hazır olur və meydana daxil olanlar oyuna əlavə güc qatırlar. Komandamızda rəqabət böyükdür. İndi bərpa olunub, növbəti oyuna hazırlaşmalıyıq".
İdman.biz xəbər verir ki, bunu qadın futbolçular arasında AVRO-2025-in pley-off mərhələsində Azərbaycan millisinə 4:1 hesabı ilə qalib gələn Portuqaliyanın baş məşqçisi Fransisko Netu deyib.
43 yaşlı mütəxəssis bildirib ki, Bakıda keçirilən ilk oyunda qazanılan 4:1 hesablı qələbə onu qane etməyib: "Ən önəmlisi yaratdığımız imkanların sayıdır. Dörd qol vurduq, lakin bu daha çox ola bilərdi. Bu qədər fərqlənməq yaxşıdır, amma bundan da yaxşısına ümid edirdik. İkinci hissənin əvvəlində lazım olan konsentrasiya səviyyəsində deyildik, amma reaksiya verdik və oyunu yaxşı idarə etdik".
Qeyd edək ki, tərəflər arasında cavab qarşılaşması oktyabrın 29-da Vizelada keçiriləcək.
İdman.biz