Sport24.az
"Səbail" ilə görüşdə azarkeşlərimizi sevindirmək istəyirdik. Amma gözləmədiyimiz halda böyük hesabla məğlub olduq". Bu sözləri Sport24.az-a açıqlamasında "Kəpəz"in üzvü Nemət Musayev deyib.
Gəncəli futbolçu düşərgədəki ab-havadan da danışıb: "Düşərgədə psixoloji tənəzzülün olduğunu düşünmürəm. Biz hər oyuna yaxşı nəticə qazanmaq üçün çıxırıq. Sadəcə, ya bəxtimiz gətirmir, ya da bəsit səhvlər səbəbindən qapımızda qollar görürük. Artıq üç mövsümdü komandadayam. Gəncəliyəm "sarı-göylər"in uğurlu çıxışı üçün əlimdən gələni əsirgəməyəcəm. Digər komanda yoldaşlarımın da bütün güclərini ortaya qoyacaqlarına əminəm. Adaptasiya məsələsinə gəlincə, bu asan və qısa müddətli prosses deyil. Legionerlərimiz bizə tam uyğunlaşması üçün müəyyən zamana ehtiyac var. Odur ki, irəlidəki turlarda daha yaxşı çıxış edərək xal qazanmağa çalışacağıq".
Musayev azarkeşlərin etirazını və komandaya etirazını anlayışla qəbul etdiklərini də vurğulayıb: "Gəncəli azarkeşlər həmişə çılğınlığı ilə seçilib. Onlar həmişə yaxşı nəticələr və qələbə istəyiblər. Tələblərində də haqlıdılar. İrəlidəki oyunlarda gəncəli futbolsevərləri sevindirməliyik".
Qeyd edək ki, dünən keçirilən "Səbail" – "Kəpəz" oyununda qonaqlar 0:4 hesabı ilə məğlub olublar.
