Sport24.az
"Neftçi" yeni baş məşqçisinin adı məlumdu. Sport24.az xəbər verir ki, Yurii Vernidub "ağ-qaralar"ın yeni çalışdırıcısı olacaq.
Mətbuatda yayılan xəbərlərə görə, 59 yaşlı özü ilə bərabər Ukraynadan 4 köməkçi gətirəcək ki, onlardan biri oğlu Vitali Vernidubdur. Ukraynalı çalışdırıcının məşqçilər korpusunda 2 yerli məşqçinin də yer alacağı gözlənilir.
Redaksiyamıza daxil olan bilgiyə əsasən, Sənan Qurbanov və qapıçılar üzrə məşqçi Aqil Məmmədov da yeni baş məşqçinin köməkçilərindən olacaq. Mənbəmizin sözlərinə inansaq, Məmmədovun korpusda yer almasını istəyən komandanın qapıçısı Kenan Piriçdir. Bosniya və Herseqovinadan olan qolkiper Aqil bəyin məşq prosesindən razı qaldığını rəhbərliyin diqqətinə çatdırıb.
Qeyd edək ki, Premyer Liqada geridə qalan 13 turdan sonra aktivində 16 xal olan "Neftçi" turnir cədvəlinin 7-ci pilləsində yer alıb. "Ağ-qaralar" 12-ci turdan sonra Samir Abasovla yolları ayırıb.
