Sport24.az
"Neftçi"nin sabiq baş məşqçisi Miodraq Bojoviç maliyyə borcuna görə işlədiyi iki İran klubundan FİFA-ya şikayət ünvanlayıb. Sport24.az xəbər verir ki, monteneqrolu mütəxəssis bu barədə Rusiyanın "Championat.com" portalına açıqlama verib:
"İki "İstiqlal"ım var idi. Əhvazda normal nəticələr əldə etdim. Doqquzuncu və ya onuncu yerdə idik ki, bu da klub üçün çox yaxşı nəticə hesab olunurdu. Amma pul vermədilər, mən getdim.
Tehrandan olan digər "İstiqlal" isə İran standartlarına görə böyük klubdur. İki aydan sonra məni işdən çıxardılar və heç nə vermədilər. FİFA-nın Mübahisələrin Həlli Palatasına şikayət etməli oldum. Cavab gözləyirəm".
Qeyd edək ki, Bojoviç 2024-cü ilin qışından mövsümün sonuna qədər "ağ-qaralar"ın "sükanı arxasında" olub.
