Sport24.az
"Zədəli oyunçularımız var. Heyət baxımından problemlə üzləşmişik. Buna baxmayaraq mübarizə aparmağa çalışdıq". Sport24.az xəbər verir ki, bu sözləri "Neftçi"nin qapıçısı Emil Balayev deyib.
Qolkiper səfərdə "Şamaxı"ya qalib gəldikləri Misli Premyer Liqasının 29-cu turunun oyunu ilə bağlı fikirlərini bölüşüb:
"Hər kəs Şamaxı səfərinin çətin olduğunu bilir. Burada meydan və hava şəraiti kimi amillər var. Hər bir futbolçuya təşəkkür edirəm. Onlar öz maksimumlarını 95 dəqiqə meydanda qoydular. Azarkeşlərimizi təbrik edirəm. Bizi tək buraxmadılar. Səfərdə evdəki kimi hiss elətdirdilər.
Balayev zədədən sonra bir müddət futbolsuz qaldığını xatırladıb:
"Ondan sonra bir neçə matça çıxmışdım. Lakin bu qarşılaşmanı başqa cür qeyd edərdim. Top buraxmadım. Belə əzmkar matçları davam etdirmək niyyətindəyik. Ümumiyyətlə heç kəs zədədən sığortalanmayıb".
