Sport24.az
"Bakı və Azərbaycanla bağlı gözəl xatirələrim var". Bu sözləri Sport24.az-a "Neftçi"nin sabiq futbolçusu Tomislav Mişura deyib.
44 yaşlı keçmiş hücumçu hazırda futbol agenti kimi fəaliyyət göstərdiyini söyləyib:
"Azərbaycan futbolunu və "Neftçi"ni izləyirəm. Bilirəm ki, indi orada hər şey tamam başqadır. Yeni stadionlarınız, təlim-məşq düşərgələriniz var. Ümid edirəm ki, bir gün ölkənizi ziyarət edəcəyəm".
Mişura "Neftçi" haqqında da danışıb:
"Komanda enişli-çıxışlı mövsümlər keçirir. Bu mövsüm istədikləri alınmadı. Onlara qarşıdakı ildə uğurlar arzulayıram. Əgər klubun yaxşı skaut komandası varsa, daha yaxşı heyətə və oyunçulara sahib olacaqlar. İstəsələr, mən də klub üçün çalışa bilərəm".
Qeyd edək ki, Tomislav Mişura 2005-ci ilin yanvarından 2006-cı ilin iyulunadək "Neftçi"nin formasını geyinib.
