Report.az
Samir Abasov bizə inanırdı və heç bir bəhanə istəmirdi.
Bunu "Report"a açıqlamasında "Neftçi"nin futbolçusu Edvin Kuç deyib.
Monteneqrolu yarımmüdafiəçi Misli Premyer Liqasının XXIX turunda "Şamaxı"nı məğlub etdikləri oyun barədə danışıb:
"Bu görüş bizim üçün çox vacib idi. Qələbə qazanmalı idik və bunu bacardıq. Şamaxıya yollanarkən hamı bir nəfər kimi qalibiyyətə köklənmişdi. Baş məşqçi Samir Abasov bizə çox inanırdı və heç bir bəhanə istəmirdi. Çətin səfərdən qələbə ilə döndüyümüz üçün çox xoşbəxtik".
O, komandada zədəli futbolçuların sayının çox olduğunu xatırladıb:
"Mövsümün əvvəlindən bu yana zədələr başımıza bəla olub. İnanmıram ki, hansısa klubda bu qədər zədəli futbolçu olsun. Komandadakı çatışmazlıqlara baxmayaraq, "Şamaxı" ilə matçda keyfiyyətli və xarakterli oyun sərgiləməyi bacardıq. Düşünürəm ki, layiqli qələbə qazandıq".
Qeyd edək ki, "Şamaxı" - "Neftçi" qarşılaşması "ağ-qaralar"ın 2:0 hesablı qələbəsi ilə başa çatıb. Paytaxt təmsilçisi 35 xalla altıncı sırada qərarlaşıb.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
