Sport24.az
"Çətin oyun oldu. Qol vurduğuma görə çox sevinirəm".
Sport24.az xəbər verir ki, bu sözləri "Neftçi"nin futbolçusu Alessio Kurçi deyib.
Hücumçu "Sumqayıt"a qalib gəldikləri (2:0) Misli Premyer Liqasının V turunun oyunu ilə bağlı fikirlərini bölüşüb:
"Komandamızın qələbə qazanması məni ayrı sevindirir. Baş məşqçimiz Samir Abasovun məndən tələb etdiyi şey sürətimdən istifadə etmək və qol vurmaq idi. Mən də ondan yararlandım və çox sevinirəm".
Forvard V turadək qol imkanlarından yararlana bilməmələri barədə danışıb:
"Bu qarşılaşma növbəti matçlar üçün açar rolunu oynayacaq. Qol vurmaq özünə inamı da artırır. Hətta onu da vurğulamaq istəyirəm ki, qapımızda da qol görmədik. Həm hücumda, həm də müdafiədə yaxşı çıxış etdik. Bu da qarşıdakı görüşlərdə bizə daha çox yardımçı olacaq".
