İdman.biz
Misli Premyer Liqasında XII turun ilk oyun günü Bakıda başa çatacaq.
İdman.biz xəbər verir ki, "Neftçi" öz meydanında "Araz-Naxçıvan"la görüşəcək.
"Neftçi Arena"dakı qarşılaşma iki komanda arasında ölkə çempionatlarındakı yubiley – 10-cu duel olacaq. Əvvəlki qarşılaşmalarda paytaxt təmsilçisi üstünlüyə malikdir.
Dörd qələbəsi olan Bakı klubu üç dəfə bir xal əldə edib və iki matçda uduzub. Top fərqində "ağ-qaralar"ın üstünlüyü daha böyükdür – 21-4.
"Neftçi" son iki görüşü də qolsuz tərk etməyib. Amma Naxçıvan təmsilçisi bakılılar üçün çətin rəqibə çevrilib. Paytaxt klubu son 6 matçdan yalnız birində qalib gəliblər. "Araz-Naxçıvan" isə səfər sindromu yaşayır. Onlar rəqib meydanında qələbə həsrətindədirlər.
Qeyd edək ki, "Neftçi" – "Araz-Naxçıvan" oyunu saat 20:30-da başlayacaq.
| 09.09.2000 | Araz (Naxçıvan) - Neftçi | 0:7 |
| 02.05.2001 | Neftçi - Araz (Naxçıvan) | 6:0 |
| 30.09.2001 | Neftçi - Araz (Naxçıvan) | 3:0 |
| 15.12.2001 | Araz (Naxçıvan) - Neftçi | 0:0 |
| 16.09.2023 | Araz-Naxçıvan - Neftçi | 1:0 |
| 26.11.2023 | Neftçi - Araz-Naxçıvan | 1:1 |
| 13.02.2024 | Araz-Naxçıvan - Neftçi | 1:0 |
| 13.04.2024 | Neftçi - Araz-Naxçıvan | 3:0 |
| 24.08.2024 | Araz-Naxçıvan - Neftçi | 1:1 |
İdman.biz
