Sport24.az
Bu gün Misli Premyer Liqasında IV tur başa çatır. Sport24.az xəbər verir ki, günün son matçı paytaxtda baş tutacaq.
"Neftçi" "doğma divarlar" arasında "Sabah"ı qəbul edir. İlk turda qələbə üzünə həsrət qalan "ağ-qaralar" bu matça dönüş nöqtəsi kimi baxır. heç şübhəsiz ki, Samir Abasovun komandası azarkeşlərini sevindirmək, "Turan Tovuz" məğlubiyyətini unutdurmaq üçün meydana yalnız qələbə üçün çıxacaq. Təbii ki, "bayquşlar"ın da məqsədi "Neftçi Arena"dan 3 xalla ayrılmaqdır. Sonda kimin güləcəyini isə 90 dəqiqənin tamamında biləcəyik.
Qeyd edək ki, hazırda aktivində 2 xal olan "Neftçi" tunir cədvəlində 10-cu, "Sabah" isı 3 xalla 8-ci pillədədir.
Misli Premyer Liqası
I dövrə, IV tur
19:00. "Neftçi" - "Sabah"
Hakimlər: İnqilab Məmmədov, Namiq Hüseynov, Elşad Abdullayev, Vüqar Həsənli
VAR: Kamal Umudlu
AVAR: Vüsal Məmmədov
Hakim-inspektor: Anar Salmanov
AFFA nümayəndəsi: Zümrüd Ağayeva
Bakı. "Neftçi Arena".
