Sport24.az
"Neftçi" mövsümlərarası fasilədə dördüncü transferini reallaşdırıb.
Sport24.az xəbər verir ki, almaniyalı müdafiəçi Robert Bauer komandaya qoşulub.
29 yaşlı futbolçu ilə 3 illik müqavilə imzalanıb. O, "Neftçi"də 23 nömrəli formanı geyinəcək. Bauer müdafiənin hər iki cinahında, mərkəzində və orta xətdə oynamağı bacarır.
Almaniyada "İnqolştadt", "Verder", "Nürnberq" klublarında çıxış etmiş futbolçu Bundesliqada 100-ə yaxın oyun keçirib, 2-ci Bundesliqanın çempionu olub. Bundan əlavə, Rusiya Premyer Liqasında "Arsenal" (Tula) və Belçikada "Sent-Trüyden" klublarının formasını geyinmiş Robert son mövsümü Səudiyyə Ərəbistanı Pro Liqasında mübarizə aparan "Əl-Tai"də keçirib.
Qeyd edək ki, Bauer Almaniya U-20 yığmasının 13 dəfə şərəfini qoruyub. O, komandanın heyətində 2016-cı ildə dünya çempionatının 1/4 finalına yüksəlib və Rio Yay Olimpiya Oyunlarının gümüş medalını qazanıb.
