Qol.az
"Neftçi" Azərbaycan Kubokunun yarımfinal mərhələsinin cavab oyununda "Sabah"la matçın hazırlığını başa çatdırıb.
QOL.az xəbər verir ki, bu barədə "ağ-qaralar"ın mətbuat xidməti məlumat yayıb.
Bakı klubu bu gün "Neftçi" Futbol Mərkəzində oyunöncəsi son məşqinə çıxıb. "Neftçi"nin futbolçuları Rafael Quzzo, Emil Səfərov, Robert Bauer və Ryonosuke Ohori zədə, Bassala Sambu isə cəza səbəbindən bu görüşü buraxacaqlar.
Qeyd edək ki, aprelin 23-də "Bank Respublika Arena"da keçiriləcək "Sabah" – "Neftçi" oyunu saat 20:00-da başlanacaq. Komandalar arasında ilk görüş Masazır təmsilçisinin 2:1 hesablı qələbəsi ilə başa çatıb.
