Sport24.az
"Neftçi" qapıçı transferini rəsmiləşdirib. Sport24.az xəbər verir ki, bu barədə klubun mətbuat xidməti məlumat yayıb.
Bosniya və Herseqovina millisinin qolkiperi Kenan Piriç artıq "ağ-qaralar"ın üzvüdür. 31 yaşlı futbolçu ilə 2 illik müqavilə bağlanıb.
Vətənindən başqa, Belçika, Sloveniya, Yunanıstan, Türkiyə və Kipr liqalarında oynayan Piriç 2 dəfə Bosniya və Herseqovina (2016/17, 2017/18), 1 dəfə isə Sloveniya (2018/19) çempionu olub. O, 2 dəfə Bosniya və Herseqovina (2016/17, 2017/18), 1 dəfə Sloveniya (2018/19) və Yunanıstan (2023/24) çempionatlarında mövsümün qapıçısı seçilib. Milli komandanın heyətində 8 oyun keçirib.
Qeyd edək ki, "Neftçi" daha öncə Sessi D"Almeyda (son klubu "Apollon Limassol"), Luis Ortis ("Sportivo Ameliano"dan icarəyə götürülüb), Elvin Bədəlov (son klubu "Sumqayıt"), Murad Xaçayev (son klubu "Sumqayıt"), İqor Ribeyro ("Araz-Naxçıvan"), İmad Faraj (son klubu "AEK Larnaka"), Freddi Varqas ("Makkabi"dən (İsrail, Netanya icarəyə götürülüb), Cordan Rezabala (son klubu "Dorados"), Kristian Kostini (son klubu "Dinamo" Buxarest, Rumıniya) transfer edib.
