Sport24.az
Misli Premyer Liqasının VI turunun ikinci oyun gününə paytaxtda yekun vurulacaq. Sport24.az xəbər verir ki, "Neftçi" öz meydanında "Karvan-Yevlax"ı qəbul edir.
Mövsümdə ilk qələbəsini ötən tur rəsmiləşdirən "ağ-qaralar"ın elitanın debütantı ilə oyuna da 3 xal üçün çıxacağı heç kimdə şübhə doğurmur. Ardıcıl iki matçda məğlub olan Yevlax klubu səfərdən bir xalla dönsə belə bunu bölgə klubunun aktivinə yazmaq olar.
Qeyd edək ki, turun digər 2 qarşılaşması - "Turan Tovuz" - "Kəpəz" və "Sabah" - "Sumqayıt" matçları sabah keçiriləcək.
Misli Premyer Liqası
I dövrə, VI tur
19:00. "Neftçi" - "Karvan-Yevlax"
Hakimlər: Kamranbəy Rəhimov, Asiman Əzizli, Zöhrab Abbasov, Nicat İsmayıllı
VAR: Fərid Hacıyev
AVAR: Vüqar Həsənli
Hakim-inspektor: Babək Quliyev
AFFA nümayəndəsi: Bəhram Qurbanov
Bakı. "Neftçi Arena"
