Idman.biz
"3,5 il bundan əvvəl bu formanı geyinməyə başlamışdım. "Neftçi"də 100 oyun keçirmək böyük qürurdur".
İdman.biz xəbər verir ki, bu sözlər "Neftçi"nin sabiq müdafiəçisi Azər Salahlıya məxsusdur.
Bakı klubu ilə müqaviləsi yekunlaşan futbolçu "ağ-qaralar"la vidalaşıb. O, sosial şəbəkə hesabında bildirib ki, bəzən nəticə əldə ediblər, bəzən də hər şey istədikləri kimi alınmayıb: "İşləməyə davam etməkdən heç vaxt vaz keçmədim. Təəssüf ki, bəzən sənin niyyətin azarkeşlərin gözündə görünməyə bilər... İndi isə yollar ayrılır. Bu formanı geyinmək mənim üçün şərəf idi. Hər kəsə təşəkkür edirəm: komanda yoldaşlarıma, məşqçilərimə, klub rəhbərliyinə və ən çox da məni həmişə tənqid edən azarkeşlərə".
Qeyd edək ki, "Neftçi" ötən həftə 7 futbolçusu ilə vidalaşıb.
İdman.biz
