Idman.biz
Azərbaycan Premyer Liqasının 8-ci turunda keçirilən "Neftçi" - "Araz-Naxçıvan" (2:2) görüşündə problemlər yaşanıb.
İkinci hissəsinin startında VAR sisteminin işləməyəcəyi bildirilib.
Maraqlıdır ki, VAR işləməyəcəyi bildirildikdən 10 dəqiqə sonra "Neftçi"nin kapitanı Emin Mahmudov bərabərlik qolunu vurub.
Laynsman əvvəlcə bayrağını qaldırıb ofsayd qeydə alsa da, referi Fərid Hacıyev VAR-ın təsdiqindən sonra qolu qeydə alıb. Amma epizodların təkrarı göstərilməyib və ofsayd xətti də nümayiş edilməyib.
"Araz-Naxçıvan"ın icraçı direktoru Eldəniz Yusubov bu qalmaqallı halla əlaqəli Sportinfo.az-a açıqlama verib:
"Həmin epizodla bağlı klub tərəfindən AFFA Hakimlər Komitəsinə rəsmi məktubla müraciət olunub.
Klubun istəyi baş hakimin ofsayd qeyd aldığı, sonra VAR-ın müdaxiləsi ilə qərarını dəyişərək mərkəzi göstərməsinə səbəb olan görüntünün təqdim olunmasıdır.
Oyunun sonuna qədər xətli görüntü efirdə göstərilməyib. Halbuki ikinci hissənin əvvəlində VAR-ın işləmədiyi komandalara bildirilsə də, bir neçə dəqiqə sonra dördüncü hakim baş məşqçilərə texniki nasazlığın aradan qaldırıldığını və VAR-ın işlədiyini bildirmişdi.
Tələb həmin epizodun ofsayd olmadığını sübut edən görüntünün təqdim olunması ilə bağlıdır.
Müraciət dünən olub, hələ ki, nə görüntü göndərilib, nə də komitə tərəfindən ənənəvi mübahisəli epizodların izahı ilə bağlı hansısa açıqlama var".
Qalmaqallı epizodu təqdim edirik:
